© conçu par Laurent Naze (NazeGrames) .2016
© conçu par Laurent Naze (NazeGames) .2016
Elle est professeure certifiée de Lettres, enseignant habilité LCR, rakontèr zistoir, membre de l’association Tikouti et du Conseil d’Administration de Lofis. Elle traduit en créole réunionnais un livret à caractère médical sur les dons d’organes, un album de Tintin, classique de la bande dessinée et des contes de Charles Perrault. Elle est coauteur d’un manuel scolaire pour le collège d’expression française et créole,  Littérature réunionnaise au collège, édité par le CRDP de la Réunion.
Lolita Ichiza Professeure, rakontèr zistoir
Message de soutien
Mi anprofit lokazion kabar liv la kréolité, pou di in gran mersi tout zékrivin réunioné. Zot la galize nout somin  pou nou konèt nout listoir, nout kiltir, nou lidentité. Nout kèr la séré, Kan nou la lire« les marrons « de Houat , ek « sacatove », leconte de lisle la rakonté, dann “Bourbon pittoresque” ansanm Eugène  Dayot ; Nou la pléré , nout kolèr la monté kan nou la konpri koman nou lété « mutilé “, koman nou lété “ muzelé” . Nou la krié bondié “ousanousava”, “Ziskankan “sra komsa? ; Mersi Axel Gauvin pou tousa « Romans pou détak la lang pou démay le ker », ou la ékri ; Mersi Firmin Viri, Gramoun Lélé, Lo roi Kaf, Patrice Treuthardt,pou tousa” kozman maloya “ zot la di ; Mi bat la min pou danyèl waro la “démavouz nout vi” ; Pou Samlong la tir anou dann “la nuit cyclone “, la done anou in « soley do fé » ; Albany la fé voir nou in ciel” bleu mascarin “kan Marimoutou la ékri “Romans pou la tèr ek la mèr” ; Nou la pran “cemin bracanot” sanm Daniel Honoré pou alé boir dolo “Tisours “ dann Fon “Baster” ; Aprésa, nou la « tienbo lo rein » ek Alain Lorraine ; Pou nou ri “ Zistoir Tikok” Christian Fontaine ; Ek « Tangol » Dédé Lansor na kontinié fé flamb nout lespoir ; Nana telman zékrivin réunioné  moin sra pa kab nomé, sankonté bann dalon : Laurence, Evelyne, Annie , Sully épisa d’ot ankor I tienbo ansanm, I larg pa. Zot  tout’, sak la ékri in maloya, in séga ,in kozman, in fonkèr, inn ti zistoir, in gran zistoir Mi di azot in gran mersi,  zot lé kom zétoil veli dann siel mon vi. Lolita