© conçu par Laurent Naze (NazeGrames) .2016
© conçu par Laurent Naze (NazeGames) .2016
Karoline Ho Auteure
Extrait
Kriké, kraké, Tèr-la,   just   tèr-la   minm   dann   fon   l'Océan   Indien,   tèr-la   koté   nout   pti   péi   La Réunion,   navé   in   pti   tortu   d'mèr,   tèlman   an   doussèr,   k’son   monmon   èk   son papa lavé apèl aèl Kalina. Banna   té   i   èm   aèl   doudoudoudoudou,   é   zot   té   di   aèl   toultan   :    «   Tansion   ! Alé pa par laba ! Rès aou la minm, la mèr lé danjere ! » Kom   Kalina   té   in   bon   marmaye,   èl   té   i   ékout   :   él   té   rès   dann   lagon,   èl   té   trafik     pa tro loin lo barièr koraye. Mésolman,   tanzantan,   èl   lavé   bien   anvi   d’shapé,   alé   guèt   in   pe   parsi-parla dann   mèr   loinnnnnnn-loinnnnnn-laba,   voir   èk   son   de   zié   tout   gayar   zafèr   son bann kamarad té fine rakont aèl. Mé zot i koné, pou sa i fo in pe d’kouraje ! I fo kit son monmon èk son papa ! Épi afors antann : « fé tansion, fé pangar…. » kap-kap té fine trap aèl. Bin oui, Kalina lavé pèr astèr. Èl té fine dnir in pe kapon, kom i di. Dukou èl té kal la minm.