© conçu par Laurent Naze (NazeGrames) .2016
© conçu par Laurent Naze (NazeGames) .2016
Bann Zekrivin, Bann zartis / Ecrivains, artistes
Gaël Velleyen Kréolokoz Fonkézèr
Gaël Velleyen i mars rarman san son gitar. Li lé anparmi bann gayar lo nouvo zénérasion i arplant lo grin la kréolité. Domoun i koné ali parapor lo group Kréolokoz, parlfèt li tonm lo parolér, lo konpozitér, lo santér Kréolokoz.Li la aprann son tousèl la konpozision la mizik èk lékritir poétik. Son bann tèks i koz si légzil, si listwar maronaz, si la pért lidantité, épi si lilétrism antrot. Son bann tèsk i koz osi la vi, Lamour, la Rényon an romans mouramour. Li plèd pou la rokonésans lidantité, pou k’i aprann Kréol dan lékol, é pou nou viv nout kisanoulé, san laryaz, san la ont. 
13-16 Avriy 2016 le Port
kaz lofis la lang kreol- place des cheminots MEDIATHEQUE - TSA - CINEMA CASINO 
salon du livre des mondes créoles
Kabarliv la Kréolité
Fonnkér konflor                                                                    (pou Monmon) Fonnkér konflor sanm bouké flér Fine éklor dopi féklér, Pou ou minm Monmon mi yinm Out kér kont mon kér Mi vé dor ankor dan out salér. Dann zip Monmon Koman la vi té bon !                                     Zordi, Mi di, Mérsi Flér korbèydor, té nout dékor, Té fine pèt an flér d’pi loror, Kinm nou té pa ris, Nou té i domann pa plis Grankér konfor pou nou, Bonér folklor navé lo gou Dan la kaz la, Nou té i wa pa la mizér Zordi mi di Mérsi Rofrin : Pou ou monmon té dir Pou papa osi mi lé sir La vi té zis In sakrifis Ou la pa larg lo kor La tyinbo minm La tyinbo for Sa té pou nou minm   Noré pi anbandone anou monmon Mé ou la pa anbandone anou, non Pou la vi ou la donéMwin la vi ou la pa anbandoné Sa minm kourazIn fanm dan la kaz Gran fami ou abou sonyé Lo kér Amy ou nar bo konyé Sa i kas pa sa Sa konm in karapas sa              Zordi mi di Mérsi La Line dann vant nèf mwa Monmon la fine anfant douz fwa Oté o ! I apèl sa Lamour ! La lit ansanm la fwa Pou avansé, minm aznou nadfwa La trinn atér Zis pou mèt anou anlér Zordi mi di Mérsi ! (Rofrin)                Fonnkér konflor                 Sanm bouké flér                          Fine éklor                                   Dopi féklér                                  Pou ou minm                           Monmon mi yinm.               Lér èk la parol : Gaël Velleyen Morso la i sort dann lalbom « Poézi Péi Natal » (group Kréolokoz)